EvIAn魔法盒子

端午节有假放系一件非常值得振奋既事，最开心既系，人地放3日，我放4日，简直爽啦，但就日日雨绵绵，有D闷咯，好彩，29号有个狗友聚会，我最钟意就系带狗狗出去玩架啦，一定要帮CICI同KAKA冲个靓凉，CICI就好易办啦，罗个桶入冲凉房距都知咩事醒醒目目跟住黎，KAKA就麻烦少少，话晒距都已经系一只14个月既狗了，打理距都几系野，哈哈~不过为左去玩，要努力努力，美丽的碧清湾等紧你（讲就美丽，不过我唔系甘钟意果个滩）！

睇下冲凉前果个邋遢既KAKA，依然好得戚！

邦左距一排之后，距开始觉得闷喇~距个样几无奈~

干干净净，系时候要出发架喇，有得玩，KAKA拿拿林自己跳上车添啊，返就要任抱，大佬，你过百斤架喇，抱！

同行既仲有我地既女霸王CICI，距一同KAKA放埋一齐就凶KAKA架喇，真系唔知死啊，好在KAKA都比肥妹凶惯架喇，当无事~

老人与狗啊！哈哈~两个都腰圆背厚，系坐卡座既好材料！

当KAKA遇上山山，有一种莫名的亲切感，阿卡好少理其他狗架~

玩到甘上下，到我地烧烤喇，放心，唔会烧左你既，最多整烟熏KAKA嗟，哇哈哈哈哈~

隔离还有奇哥同咪仔，系啊，果只剃晒毛既系奇哥啊，唔讲无人认得距系古牧啊~

比个大大大特写咪仔，距个样都有几分似距老豆肥波架~劈水劈得还厉害过KAKA，听闻距一日要劈12兜水架~佩服佩服~

哈哈，呢个假期都不错，期待下次狗友聚会，希望下次唔好去碧清湾了~

今日，系2009年5月20日，一个相当好的日子，亦都系一个相当忙既日子。

我仲响度埋头做紧可恶的海报，办公室外面传来一阵惊呼既声音：“龙卷风啊,快D过黎睇啊！”

果阵大概系下午5点38分~

下？唔系啊嘛？呢度珠海咋哦，居然会有龙卷风？

果一刻，我就谂，死啦！

电视成日报道果D龙卷风会摧毁几多几多座房屋，几多几多人失踪甘架嘛，我唔系就甘死响全球通大厦啊嘛~

谂得黎我都系要走过个窗度望下先得既~

话晒，我呢间“垃圾房”办公室有个无敌靓海景，成个8楼我相信都无一个地方够我个窗睇得清楚架喇！哈哈~

哗！吓死我喇！个天黑晒架！好明显旧乌云系包住左珠海啊！对开既海面仲系好明媚架~感觉好似珠海要毁灭甘~菜~

生平第一次亲眼见到龙卷风，又惊，又好想马上同人讲哦~

个风慢慢慢慢甘（可能当时已经好快）埋紧黎啊，水面同乌云比一卷小湾既风连住，好似睇纪录片甘~

当时我继续谂，个风埋到黎会点呢？我唔敢开窗，惊D野吹走晒~

就响我谂下谂下既时候，个风开始平息，噢~应该无事喇挂~

外面又传来声音：“快D影低距啦~”系哦~点解我就无谂住影呢？

影鬼咩，我部老爷机得果130万，可以睇到D咩哦~

但我又唔死心，好想影比大家睇，所以粗粗鲁鲁打开个摄像功能~

晕~个风都几乎停晒啦~我而家先罗出黎~

唔知个风系咪有自恋倾向，知道好多人罗相机对住距，距居然又慢慢卷返上云层哦~

我抓紧机会影左一张，要明白~机的能力有限~勉强看看吧~

镜头差，影出黎多左几分恐怖既感觉~

呢个故事教训我地，要捕捉新闻就要常备高清相机，我可怜的W300比我放左响鞋盒~

放仅有的一张比有缘人睇下啦~其实外面有人影到，可惜我唔认识距~还是自己的算了~

有机会亲眼见到一次龙卷风我觉得好开心，但最好无第二次，怕怕~

要风调雨顺啊~

今年既情人节适逢系周六，甘难得，所以我地决定过澳门，疯狂购物，然后去威尼斯人豪一晚．上次买唔到相机，影唔到里面Ｄ野，今次补返数！

我总觉得威尼斯人既大堂走道充满住一阵香味，好舒服，唔知果Ｄ叫咩香呢～

我地太早去到威尼斯人喇～未有得ＣＨＥＣＫ　ＩＮ，又未到午饭时间，拖住肥羊去星巴克，饮久违了的冻焦糖～

再加一杯唔知咩野，求其啦～好饮就得啦～

整个环境都好舒服，个人认为芝士蛋糕要比朱古力冬甩要好食～

酒店周围都放左花，每一个我都走埋去睇，成了花痴～

１１点几先饮完野，１２点就话去食自助餐，傻既一样，肥羊先吃白粥，我先吃生果，继续傻既一样～果度西兰花一定好贵，西兰花炒虾仁，居然一铲铲落去系两旧西兰花七八只虾～暴汗～

终于ＣＨＥＣＫ　ＩＮ左喇～今次住北翼，见唔到楼下个湖同只艇仔喇～

房间里面既布置同上次间大致一样，一黎到，先休息一阵～我系一个超级容易累既人～

澳门既电视无加插大陆广告，可以睇到好多平时睇唔到既广告～

其实我觉得最靓既系个洗手间，厕所同浴室分开，有浸浴同淋浴，还有好大张梳妆台，好多镜～不过呢排听得酒店惊魂多，唔敢影低～呵呵～本人比较惊死兼反动～

条走道太金碧辉煌喇～搞到我同个场景格格不入，好似贴图入去甘～晕～

又系花啊～大家都唔可以笑我捞、笑我肥～

我地居然企响巴士等候处等的士～傻既一样～

我最钟意食既车厘子啊～同肥羊一齐食左１磅，我占大部分，好满足啊～澳门的车厘子又大又甜又平～下次要再食过啊～

夜晚响美食街食左个丰盛既宵夜，其实最令我满足既系，我响呢度既免税见到牛仔版ＥＶＩＡＮ啊，盒装１５０，袋装１００，买两支盒装送０８圣诞版带盒架，我梗系毫不犹豫话买啦～讲好左买两支盒装送埋个袋子比我，点知我幸运地，最后一支盒装，加一支袋装，就送我最后一支圣诞版喇，开心到不得了啊，呢几支个瓶盖系完全无花过架～解埋我响上海买果支不完美圣诞版既苦恼啊～情人节最好的礼物～

记忆中正大就系好多野卖，所以先去果度，周围圣诞气氛都未散去，牛年又冲过黎，呢间野不计成本整左两只牛响门口，我都不知等左几耐先可以同到距地影相啊~

行到累，走上楼上觅食，见到一间叫＂南非海鲜＂装修得几好，外面标既价钱都几吸引就走左入去，里面可以睇到黄浦江景，不过呢～油烟充斥住整个大环境，同埋Ｄ野食真系好一般，可能珠海海鲜多，去到食距果Ｄ海鲜我地只能讲一句：＂系咪同我地坐同一班飞机黎架，我地好似仲新鲜Ｄ哦～＂

呢４只叫做皇帝虾，无晒野讲～

元旦还有甘多圣诞装饰哦～面包做既树啊～好似过几日就拆了～

南京路系游客必去既地方，我系游客所以我要去，食完午饭去左哈根达斯食雪糕火锅，有Ｄ浪费，根本食唔晒～

我第一次甘豪架咋～捞就捞一次啦～点都要影返张架喇～食完还有雪糕火锅叉送～爽！

南京路好多人，而且好冻～

上次无坐叮叮车，今次坐够本～我都唔记得果几日坐左几多次喇～

特写后面间时装店，本人觉得布置得好靓！

走去杜莎夫人蜡像馆，同夏萍影张相，果日着得太多喇～影左好多相都唔系甘满意～

３５３广场，玩具反斗城赞助既公仔圣诞树，我戴顶帽衬返棵树！

呢个季节去上海一定要食既大闸蟹，３３蚊一对～一次食个够！

游客还要去城隍庙，买野一定要杀价，呵呵～我买左个玫瑰花组合盒子，就快成为银河５５６！

远看犹如星巴克，其实就系山寨野！

第一八佰伴楼上有间好大既日本料理，名我就唔记得左喇～Ｄ刺身同平时食开果Ｄ唔同色既，真系恐怖～

上海版益力多，同台湾叫法一样！

上海海洋馆，原来同蜡像馆有合作架，有套票卖，早知先去海洋馆啦～省Ｄ钱～

好搞笑既鱼鱼～

我等左好耐先等到一只企鹅上水架咋～

呢只～好似叫海星？

过埋呢条观光隧道就系出口喇，凭票可以响门口领１粒现场开既珍珠～

再一次去正大广场，终于比我发现左ＡＢＳＯＬＵＴ　ＶＯＤＫＡ０８圣诞版，不过要响距铺头购物满２０００蚊先有得送，而且无得单卖，我揸住圣诞版好耐都唔肯放手～点解唔卖比我～

后来知道呢个叫０８＼０９限定版１２月１９号已经响外滩开左发布会，２月份响上海既小超市都有得卖，而且只需要１００多少少，我郁闷了～不过，我都买左ＥＶＩＡＮ既０８圣诞版顶住先，又不过，到后来先发现，支水系有盒装架，更加纳闷～

记得我支ＡＢＳＯＬＵＴ　ＶＯＤＫＡ０６圣诞版系响广州宜家买既，所以我去左上海宜家一趟，真系好远，响地铁站度还遇到３只警犬，一只黑色拉多，突然想起碳头大叔．讲返宜家，门口放住果块板有好多窿窿，里面系客厅效果，好过瘾啊～

寻找合金高达去到文庙，相信都无咩游客去，附近都几多野卖，不过都系大路野，有间ＢＡＮＤＡＩ扭蛋店，我用２４蚊扭红色系列高达，我想要只夏亚专用魔蟹，手气不错，一扭就扭到～下次去要扭埋只夏亚专用渣古！

一间难忘既小食店，光顾左距好多餐，光面一个，配上一两碟小炒，整啊！

我最钟意点既炒猪肝，个人认为好好食！

耗油牛肉都不错！

久光百货附近有个动漫城，生意好似唔多好，去左两次，运气好过次开门既铺头比较多，可以稳到比较有特色既野，不过比文庙要贵，肥羊响度买左只ＲＸ－７８－２合金玩具复刻版．

行过南京路，听到上海滩演奏版，觉得呢首歌影响左好多代人～发现好多人头鄂鄂，原来永安百货２楼有个人用萨克斯管吹奏＜上海滩＞！ＯＨ～经典～

好少行到南京路另一头～出左步行街～感觉完全不一样～

南京路对开就系外滩了，感觉无点边，就系周围有Ｄ翻新工程，同埋因为唔系周末所以无开甘多灯咯～经济唔好嘛～

呢个就系上述果部高达，真系好多野，泡沫盒系正反两面装架～唉～望下个柜顶～肥羊Ｄ高达已经堆到上天花喇～还有大把未砌，都仲话要买～哼！以后我要帮我Ｄ　ＡＢＳＯＬＵＴ　ＶＯＤＫＡ同香水版酒版矿泉水影返Ｄ特写！

好啦,整返张正经少少既贴出黎啦,其实距都几靓仔架,系有少少木薯咋嘛~哈哈~

细细个既时候就梗系关响笼度养阵先架啦，但衰KA系唔比关架，据个头就系搏命顶开个笼出黎玩既时候整烂架喇，一日烂过一日，还以为距整乜~后来先发现原来系甘~唉~

药物过敏之老KA，距咯，整亲只脚要打针，点知就药物过敏搞到口肿面肿~真系无阴公啊~

睇下距啦，转个头无事就又开始反斗喇~

9月7号去阿桶屋企烧野食，三只阿拉加碳头大叔眼金金甘望住唔知边个，真系食都食得好有压力啊~

点解我会叫只黑色拉多做碳头大叔？呵呵~因为距地咯~肥波同娜娜既BB啊~距地系卖剩果两只~好得意架~

9月14号，即系中秋节，带上KAKA同可爱既杨桃灯笼去玩，个灯笼稳左好耐架~

08年还有一件大事，就系CICI既BB出世喇~果日系11月4号，中午生到晚上，真系辛苦晒执妈立哥哥喇~CICI系迷你贵宾中生得比较细粒既，但距DBB出世既时候被有多年接生经验既立哥哥形容为好似金毛BB甘大只，还以为边巨贵了，都怪我无帮CICI节食，搞到营养太好，BB唔愿出黎，过晒预产期，搞到难产，真系辛苦晒CICI同立哥哥了~

11月8号，眼仔同耳仔细都未开既红红~好Q啊~

11月11号，CICI落魄的造型带住3只BB~睇下距地还有尾尾架~不过好快就要拜拜你条尾喇~

三只肥猪仔已经20日大喇~

11月14号，果日唔知咩日子，肥羊买左花花同龙猫公仔比我，记得初中毕业既时候，距都送左只龙猫公仔比我，而且我一直都放响床头（绝对无特别意思，只系觉得够大只可以垫住），都不知流左几多口水落去了~

11月15号，我同肥羊去左顺德，准备听日参加距同学既婚礼，未出发先兴奋，有得去玩好高兴，已经好耐无离开过珠海了，要拍照留念~

到达顺德之后，准新郎仲娃带我地去参观新房，OH~第一次去碧桂园，好大哇~图为隔离屋个鱼池~D鱼好大条~

黎个远景，呢度D人当左碧桂园系村屋甘架，隔离邻舍都系早就认识既~汗到爆~

好喇，到结婚果日喇，我又一次做左兄弟，感觉好奇怪~顺德多花啊~车头果D果仔都唔知系乜东东~

好喇，主角出场喇，仲娃同楚红~

特写个背后目的系想比大家睇下新娘子双手有几甘重，还未最夸张啊~晚宴既时候又加多左~

碧桂园晚宴上的菜色，供各位准备结婚人士参考~

11月30号，珠海西区大型狗狗聚会，唔少得井岸之星肥波~哈哈~

当然还有刚换新主人既布丁~距而家进驻左SAM哥哥屋企~

唔少得我地傻更更既KAKA，当时距8个月~

SAM哥家的两只高加索BB当当同娃娃~布丁暂时仲系距地个老大~

趁住距地仲系BB好影多两张了，大个左我都唔敢埋去摸距地啊~

KAKA一边乘凉去~条狗绳勾响条竹上面就可以喇~距连走都懒~

点可以唔同距合影一张呢~呵呵~

竹棚上的一条豆，大得夸张，连我呢个花农都唔知距系乜东东~

为左表示条豆有几大，我地请黎左最抢镜既参照物——肥波！注意，主角系条外星豆~

12月2号，BB差唔多一个月大喇~一个篮都装唔晒距地喇~

我的圣诞礼物，BLING BLING真系好惊讶啊~

12月30号，要送走DBB喇~好唔舍得啊~距地个个肥到猪仔甘~好得人钟意架~

我们可爱的CICI，自怀孕起就不修边幅，成日比人话距系垃圾狗，唉~BB出窝了~我要帮距扮靓靓~而家个个见到距都话距靓喇~呵呵~真狗、假狗，傻傻分不清楚~

07年9月22日,正在失业既我,去做尖峰山公园遛狗!狗山狗海啊!

肥波甘大个仔都未食过狗饼架,所以饼饼痴左响距条俐都唔识食,恨死隔离既肥妹咯~

 

传说中既阿拉斯加夫妇,距地真系夫妇黎架!

果日拖住娜娜,距搏晒命追前面既肥波,争D跑死我啊~

其实我都超钟意肥波架,话时话,真系好耐无见过距喇~

 

我地永远怀念既毛毛!(平安夜距好不幸地误食老鼠药上左天堂!)

虽然距系一只迷你版兼飞机耳既金毛,但距拥有一个好讨好既技能,真可惜啊~

 

07年11月12日,今日我正式返工喇~不过人在广州!哈哈~

初来步到既GOGO好快就同大家混熟左,你睇下距地两小无猜揽住训几可爱~

 

07年11月18日,两个小朋友洗完白白梗系要影返张合照啦~

果阵CICI岩剃左毛无几耐,丑丑啊~哈哈~

 

07年12月16日,和菜菜走在街头,见到久遗既传统棉花糖,菜菜问我要唔要食自己,哈哈~

棉花糖食棉花糖,好奇怪哦~记得要快D食,慢左D糖会融到周围都系好麻烦~

 

07年12月23日,连GOGO都剃左毛,剃剩个头好一个生意失败样!哈哈~

两只野响台底一副偷情样，汗……未成年个哦~

 

08年1月1日，凌晨时分经过摩摩咖啡，一把捉住曼莉姐只LULU合影一张！

苏牧就系听话，拖住距跑黎跑去距奉陪到底！

 

08年1月8日，发觉好耐无帮宝贝们影过相，马上行动！

可爱的肥妹，我帮距改多个名叫“阴湿狗”，有无听过有一句歌词系：“比肥佬只阴湿狗咬到……”？

 

CICI好似傻既甘，居然甘既姿势都训得着，笑死我喇~

至于GOGO，剃头之后好奇怪~所以~哈哈~

 

听闻无聊人屋企黎左两只贵宾，二话不说拖住肥妹CICI话要去打狂犬针！哈哈~

距系番薯啊！同CICI细个既时候一样样架！不过距心口多一辍白毛！

 

难得一场黎到，梗系要帮CICI同番薯影返张合照啦！

注意：发育中既查查好钟意咬野，我成为左距既攻击目标！

 

08年2月14日，今日比较早起，收到菜菜既花，好开心啊！

不过讲老实果距，买花最昆水就系呢一日，大家都做左水鱼头！哈哈~

 

今日依然好冻啊！原本想着靓D去街架，但又惊夜左返会风大，所以都系扮粽啦！

甘早都无乜人抱住扎花周围走，我好奇怪啊~

 

扎花甘贵梗系比个特写距啦！都算几靓~

今年卖花既人好似有D新意哦！用上左我好钟意既小花花，呢个系最吸引我既地方！哈哈~

 

     识我既人都知我想养只狗狗好耐架喇！一直都以金毛为目标，但人地话金毛容易得咩关节错位，想养得靓又要喂美毛粉，又要补钙，就食狗粮都吓死我啦！而家经济同环境都绝对唔允许我养啦！所以就想养只细细只既先咯，等以后有大屋住既时候再叫蔡蔡托包狗粮去金鱼度换只靓靓金毛BB返黎！哈哈……咩缩数都比我谂齐！

     所以都考虑左好耐养只咩细只既狗狗，可卡BB睇落都几好架，不过大只左就唔得意喇，想养只住得落士多啤梨屋屋既狗狗，玩具贵宾又买唔起， 甘就买只大一号架啦，迷你贵宾都唔错啊！

     今日蔡蔡就去买左只香槟色既迷你贵宾比我，超开心啊！距个样真系好似公仔架！好Q啊距，我地帮距改左个名叫Cici，先养住响蔡蔡度，等距打埋第三针再罗返我屋企，哈哈……返到蔡蔡度，肥妹知道大事不妙喇，一反常态甘痴人，Cici同肥妹比起身实在太活泼喇，一放出黎就乱跑，咬完我只鞋就连头发都咬埋，争D比距激死我啊！肥妹就惨咯，地盘比人霸左，又唔同距玩哦！

     晚上去桶少度烧野食，距个露台真系超大啊！非常适合养大只狗狗！好羡慕啊！个个都对Cici好有兴趣，我就喉住肥波，响距自己既地盘系唔同D既，比旧鸡亦骨引下距，距就识比手手你架喇！有时见你有野食你唔叫距都识摆只手上你膝头添啊！搞到我食野几大压力啊！唔计只阿拉斯加BB布丁，都有四只命坐响你前面望住你食啊！食完野就梗系聊下距地几个只野架啦，布丁好似有自闭甘既，唔系好理人，不过你要抱距距都唔会反抗既！都系肥波好玩，不过真系太重喇，抱唔起，LALA都系仅仅抱起左，好好玩啊距地，迟D就可以带埋Cici理同距地一齐玩喇，好期待啊！